ഇന്ന് മലയാളികളില്‍ ദുല്‍ഖര്‍ സല്‍മാന്‍ എന്ന നടനെ ഇഷ്ടമില്ലാത്തവര്‍ കുറവായിരിക്കും. ദുല്‍ഖറിനെ ഇഷ്ടപ്പെടുന്നവരുടെ കൂട്ടത്തില്‍ നിങ്ങളും മുണ്ടോ? നിങ്ങള്‍ ഒരു ദുല്‍ഖര്‍ സല്‍മാന്‍ ആരാധകനാണോ, എന്നാല്‍ തീര്‍ച്ചയായും കണ്ടിരിക്കേണ്ട ഒരു വീഡിയോയാണ് ഇപ്പോള്‍ സോഷ്യല്‍ മീഡിയയില്‍ പ്രചരിക്കുന്നത്.. ബിയിങ് മലയാളി എന്ന യൂട്യൂബ് വെബ്‌സൈറ്റിലാണ് വീഡിയോ പ്രത്യക്ഷപ്പെട്ടത്. ദുല്‍ഖറിന്റെ വിവിധ ഇന്റര്‍വ്യൂകളില്‍ നിന്നും ചിത്രങ്ങളില്‍ നിന്നും മറ്റുമുള്ള രംഗങ്ങള്‍ ചേര്‍ത്താണ് ഈ വീഡിയോ തയാറാക്കിയിരിക്കുന്നത്.
ആദ്യ പ്രതിഫലം ദുല്‍ഖര്‍ സല്‍മാന്റെ ആദ്യ പ്രതിഫലം 2000 രൂപയായിരുന്നു. ഈ സത്യം ദുല്‍ഖര്‍ വെളിപ്പെടുത്തുന്നത് വീഡിയോയുടെ തുടക്കത്തിലാണ. ‘ഞാന്‍ വളരെ നാണം കുണിങ്ങിയാണ്. എന്നാല്‍ എന്റേതായ രീതിയില്‍ മുന്നോട്ട് പോകാനാണ് എനിക്കിഷ്ടം. ആരെയും അനുകരിക്കാതെ. സ്വയം വിമര്‍ശിയ്ക്കും. ഒരു ദുല്‍ഖര്‍ സല്‍മാനെ ഉണ്ടാക്കിയെടുക്കാന്‍ ശ്രമിച്ചുകൊണ്ടിരിക്കുകയാണ് ഞാനിതുവരെ’ എന്ന് വീഡിയോയില്‍ ദുല്‍ഖര്‍ പറയുന്നു.
മഖ്ബൂല്‍ സല്‍മാന്‍, മണിരത്‌നം, പൃഥ്വിരാജ്, മധുബാല, ഫഹദ് ഫാസില്‍, രണ്‍ജി പണിക്കര്‍, സിദ്ദിഖ്, പാര്‍വ്വതി, നിത്യ മേനോന്‍, റിമ കല്ലിങ്കല്‍, ലെന, ടൊവിനോ തോമസ് തുടങ്ങിവരൊക്കെ ദുല്‍ഖറിനെ കുറിച്ച് പറയുന്നു. ഒരു താരജാഡയില്ലാത്ത താരമാണ് ദുല്‍ഖര്‍, കഴിവുള്ള നടന്‍ എന്നൊക്കെയാണ് പലരും പറയുന്നത്.
ഭാര്യയെ ഒരുപാട് സ്‌നേഹിക്കുന്ന ഭാര്‍ത്താവാണ് ദുല്‍ഖര്‍ സല്‍മാന്‍ എന്നും വീഡിയോ കാണുമ്പോള്‍ മനസ്സിലാവും. വിവാഹം കഴിഞ്ഞതില്‍ താന്‍ സന്തോഷവാനാണ് എന്ന് നിത്യ മേനോനോട് ദുല്‍ഖര്‍ പറഞ്ഞിട്ടുണ്ട്. ഒരു ഇന്റര്‍വ്യൂവില്‍ നിത്യ ഇക്കാര്യം പറയുന്നത് വീഡിയോയില്‍ ഉള്‍പ്പെടുത്തിയിട്ടുണ്ട്. മറ്റെന്തിനെക്കാളും ഭാര്യയെ സ്‌നേഹിക്കുന്നു എന്ന് ദുല്‍ഖറും പറയുന്നു.
No comments:
Post a Comment