സന്തോഷ വാർത്ത! ജിയോ സിം ഇനി 3ജി ഫോണുകളിലും ലഭ്യമാകും

4ജി ഫോണുകളില്‍ മാത്രമായിരുന്നു ജിയോ സിം ആദ്യം ഉപയോഗിക്കാന്‍ സാധിച്ചിരുന്നത്. എന്നാല്‍ ഇനി മുതല്‍ 3ജി ഫോണുകളിലും ജിയോ സിം ഉപയോഗിക്കാം.

റിലയന്‍സ് ജിയോ വീണ്ടും ഒരു സന്തോഷ വാര്‍ത്തയുമായി എത്തിയിരിക്കുകയാണ്. അതായത് ഇനി മുതല്‍ 3ജി ഫോണുകളിലും ജിയോ സിം ഉപയോഗിക്കാം.

ഇന്ത്യന്‍ ടെലികോം മേഖലയില്‍ തന്നെ ജിയോയുടെ സൗജന്യ അണ്‍ലിമിറ്റഡ് ഓഫറുകള്‍, ഹൈ സ്പീഡ് 4ജി ഇന്റര്‍നെറ്റ് എന്നിവ വളരെ ഏറെ ആകര്‍ഷണീയമാണ്. 4ജി ഫോണുകളില്‍ മാത്രമായിരുന്നു ജിയോ സിം ആദ്യം ഉപയോഗിക്കാന്‍ സാധിച്ചിരുന്നത്. എന്നാല്‍ പല ട്രിക്‌സിലൂടെ 3ജി/2ജി എന്നിവയിലും ഉപയോഗിക്കാമായിരുന്നു.

എന്നാല്‍ ഇനി മുതല്‍ 3ജി ഫോണുകളിലും ജിയോ സിം ഉപയോഗിക്കാം എന്നു റിപ്പോര്‍ട്ടുകള്‍ പറയുന്നു.

ജിയോ4ജിവോയിസ് ആപ്പ് (Jio4GVoice app)

നിങ്ങള്‍ക്ക് എച്ച്ഡി വോയിസ് കോള്‍ ജിയോ സിം കാര്‍ഡ് ഉപയോഗിച്ച് ചെയ്യണമെങ്കില്‍ ജിയോ4ജിവോയിസ് ആപ്പ് ഗൂഗിള്‍ പ്ലേ സ്‌റ്റോറില്‍ നിന്നും 3ജി ഫോണില്‍ ഡൗണ്‍ലോഡ് ചെയ്യുക. ഇനി ഇതില്‍ നിന്നും നിങ്ങള്‍ക്ക് ഹൈ സ്പീഡ് 4ജി സേവനം ഉപയോഗിക്കാന്‍ സാധിക്കുന്നതാണ്.

ഈ മാസം അവസാനം

ഈ മാസം അവസാനത്തോടെ ആയിരിക്കും ഈ സവിശേഷത ആരംഭിക്കുന്നത്. അങ്ങനെ 3ജി സ്മാര്‍ട്ട്‌ഫോണ്‍ ഉപഭോക്താക്കള്‍ക്ക് ജിയോയുടെ 'ഹാപ്പി ന്യൂ ഇയര്‍ ഓഫര്‍' നന്നായി ആസ്വദിക്കാം.

ഓഫര്‍

എന്നാല്‍ ജിയോയുടെ ഈ ഓഫര്‍ ഔദ്യോഗികമായി പ്രസ്ഥാപിച്ചിട്ടില്ല. ഇപ്പോള്‍ തന്നെ 52 മില്ല്യന്‍ ഉപഭോക്താക്കളാണ് ജിയോ സിം ഉപയോഗിക്കുന്നത്.

ജിയോ ഹാപ്പി ന്യൂ ഇയര്‍ ഓഫര്‍

ജിയോയുടെ ഹാപ്പി ന്യൂ ഇയര്‍ ഓഫറില്‍ ഉപഭോക്താക്കള്‍ക്ക് വന്‍ ആനുകൂല്യങ്ങളാണ് ലഭിക്കുന്നത്. അതായത് അണ്‍ലിമിറ്റഡ് ലോക്കല്‍/എസ്റ്റിഡി, വീഡിയോ കോള്‍, കൂടാതെ ദിവസം 100 ലോക്കല്‍/എസ്റ്റിഡി എസ്എംഎസ്, അണ്‍ലിമിറ്റഡ് ഹൈ-സ്പീഡ് ഇന്റര്‍നെറ്റ് 1ജിബി വരെ. അതു കഴിഞ്ഞാല്‍ 128Kbps സ്പീഡാണ് ലഭിക്കുന്നത്. ഇതു ഒരു ദിവസം. അതു കഴിഞ്ഞാല്‍ അടുത്ത ദിവസം വീണ്ടും അണ്‍ലിമിറ്റഡ് ഓഫറുകള്‍ ലഭിക്കുന്നു.

ജിയോയുടെ മറ്റു സേവനങ്ങള്‍

ജിയോ ടിവി, ജിയോസിനിമ, ജിയോ മ്യൂസിക് എന്നിങ്ങനെ പല സേവനങ്ങളും ജിയോ നല്‍കുന്നുണ്ട്.